又係土地問題

唐樓都仲未砌完,My Tiny就急急腳推出巴士廠,唔係唔想買,而係真係無位擺,你估巴士廠可以好似唐樓咁斬件擺咩?不過話時話,唐樓質素又真係唔錯嘅……8My Tiny自7月中舉行的「香港玩具節2015」首推Tiny城市系列,當中又分為兒童建築車仔套裝及情景模型兩個版本,兩個版本的建築一樣但前者是紙馬路,後者則換上膠地板,推出後大獲好評。然而警署及消防局遠不能滿足收藏家對場景的追求,因此只設情景模型的唐樓模型套裝更見矚目,可惜「收樓」日期因產品質素問題一再押後,結果遭Carsworkshop飲咗頭啖湯。

然而收樓後發現兩個牌子的定位完全不同,My Tiny著重玩家的參與而Carsworkshop則以像真度取勝,各有千秋。My Tiny的唐樓模型套裝分別設連街道及連樓梯兩款,可配搭1/60至1/76之間的模型,包括Tomica、京商、Hotwheels、Greenlight、Matchbox以至大部份巴士模型,聽落玩法已經多元化,而且地台(膠地板)留有楔位作日後擴充之用。講開台板,呢套台板都真係唔少嘢,387 x 387mm的面積唔係間間屋都擺得到,好彩拆走一邊行人路後,面積可縮至約345 x 265mm,剛好放得入IKEA標準書櫃之中,但點都好過擺返入盒擺。

一玩就玩半日
一打開紙箱不期然「嘩」了出來,因為零件多得厲害,窗花、冷氣機、衣架、圓檯、招牌、街燈、郵筒、水馬、快相機等,仲有形形式式嘅貼紙,夾夾埋埋逾百件。同砌模型車、高達一樣,鉗、銼不能少,因為配搭多,地鋪組合、招牌又可以自由更換,單單「起樓」已用了至少一小時,連同街道配件,兩、三個鐘唔少得,如果玩埋燈組,五、六個鐘無走雞。講開燈組,開頭都唔明點解每層樓中間都設有三個圓洞,原來這些圓洞係用來安裝燈膽之用,電線則經側邊的「天井」引到建築底層,再經地板下的坑糟連接USB開關,咁仲未夠,行人路地板底部能扭開安裝街燈並將電線經地底連接。然而每個USB只設兩個插口,結果一套兩枝街燈、4盞房燈就用了我三個充電池(尿袋),唔知My Tiny未來會唔會出更多插頭的USB分插呢?而原來劃作泊位的地圖紙紙質一般,不用也罷,建議大家貼馬路貼紙前要諗清楚擺位,否則改來改去仲麻煩;搬運建築時也要小心「塌樓」;部份零件也需作小修小補。但這些均無阻此系列的耐玩性,加上Tomytec、Greenlight推出的人偶、零件,想點玩就點玩!

傾完後心思思想買多套道路套裝玩交通燈,但係而家已經只將兩套合一套,再買又擺喺邊呢?惟有得個諗字。

2起樓前睇說明書係常識吧。

3樓層中設有三個圓洞擺放燈膽,側面的中空空間則擺放電線之用。

4唐樓模型套裝完成圖。

5燈膽光線充足,六盞已經夠晒數。

6唐樓、雪糕車可算是香港人的童年回憶。

11拆除行人路後終於可擺入IKEA的書櫃之中。

9街燈的電線在地板下穿過。

10USB插頭能連接兩盞燈。

7充電器佔據了不少位置。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s