法國雄獅

如果大家有追開嘅話其實今日地球嘅另一邊廂剛剛鬥完達喀爾汽車拉力賽(Dakar),截稿之際9屆WRC冠軍車手Sébastien Loeb仍然守在汽車組第二位,未知最後鹿死誰手,無論他能否在賽事中封王,他早已成為越野賽場上的Icon,今期Rally Car經典收藏誌終於都包括他的戰車 – Citroen DS3 WRC。

DSCN0347.JPG

自2004年起,Sébastien Loeb已經壟斷WRC車身錦標7年,直至2011年,比他年輕十載的隊友Sébastien Ogier蠢蠢欲動挑戰他的領導地位,整個賽季他們鬥得難分難解,各贏出五個分站冠軍,然而車隊指示Loeb在葡萄牙站按名次完成賽事得第二,以及在澳洲站Ogier同樣按車隊指示停車10分鐘讓Loeb取得冠軍的1分,成為Ogier 11年尾離隊轉投VW的伏線,Loeb於更早時間公佈於2013年轉投福特車隊(後來是轉戰WTCC)的決定,預告一代WRC暫告一段落。

從C4 WRC走到DS3 WRC,標誌2公升渦輪增壓引擎正式退下火線,亦宣告1.6公升Turbo引擎的入替,因此近年車廠均是小型車如Hyundai i20 WRC、Volkswagen Polo R WRC、Ford Fiesta的天下,今年更有豐田Yaris WRC參戰,希望未來會有更多車廠投入賽事。

雖然同樣係IXO出品,但Citroen DS3 WRC的造工卻是過去幾部車模最精細的一部,除了頭冚油漆略厚外,水箱暗花、車身紅牛拉花、贊助商圖案以至輪圈等都是一絲不苟,相信是與新模有關,惟需等其他新年份車模才能確認。除了Citroen DS3 WRC外,今期Rally Car經典收藏誌還介紹了車手的日常工作以及1973年瑞典拉力賽的詳情。

20170106123223_00004.jpg

Advertisements

F1駕到

隨著舊年Rally Car經典收藏誌中文版正式引入本港,DeAGOSTINI在港知名度急升,隨後推出的1/24法拉利系列亦獲廣泛報導,但論話題性當然不及剛剛出書嘅1/43 Formula 1雙周刊,頭炮就祭出冼拿戰車McLaren Honda MP4/4,先拔頭籌。

DSCN0398.JPG

幫襯過DeAGOSTINI都大概估到佢個玩法係點,就係創刊號特別平,而後第二、三期開始就恢復原價,Rally Car係咁、法拉利都係咁,今次亦唔例外,創刊號賣999円(約$70),然後下期就變返正價2,490円(約$170),買齊90期就要駛224,100円,即係大約$15,000,睇怕真係會買晒全套口嘅朋友應該無乜幾個,揀款黎買似乎係大趨勢。創刊號以冼拿部McLaren Honda MP4/4當然無問題,之後幾期分別係1987年Lotus 99T、1993年William FW15C、1994 Benetton B194、2013 Redbull RB9,1977年Ferrari 312T2、1991年Williams FW14、1983年Brabham BT52、2015年Ferrari FS15-T同埋1977年Tyrrell P34,牌面相當夠照,而且F1 fans幾乎係眾賽事之冠,要大賣睇落無難度,惟一就係部車造工究竟得唔得喇。

同Rally一樣,DeAGOSTIN今次繼續拍住IXO出書,就創刊號而言,McLaren Honda MP4/4基本上還原真車9成以上,要有嘅贊助商Logo好似Shell、Showa、Goodyear都應有盡有,當然無煙草商Logo就大家都知咩事,其他如上油出界等都屬可接受範圍之內,當然等咗幾期部Redbull成車Logo就見真章,不過IXO新年份車款嘅造工好咗好多,何解?即係舊車廠方有機會用舊模去造,新車新模質素理應會更好。

Formula 1雙周刊內容圍繞不同賽季、戰車規格及技術、車隊、賽道及歷史,第一期基本上都係講冼拿喺1988年賽季嘅戰績同戰車,60年代車隊發展史、英國銀石賽道及1950年起F1的初期發展,當中附以大量圖片,可惜我唔多識日文,唔係可以同大家介紹更多。可能大家都會問有無中文版?答案係有嘅,但係至少要等9個月等台灣譯本出書後香港先有機會引入。今次有進口商直接從日本空運Formula 1雙周刊,到港日期比日本仲要早三日(根據新聞稿應該1月10日才正式開售),計返運費人工,創刊號賣$99其實真係算抵買,仲記得我上次上北海道買三部法拉利塞咗半隻篋(仲要係已拆盒),俾人小到開花……