甘心中伏

無論你想唔想都好,每年2月14日傳媒、商店、朋友、親戚總會不斷提醒你「情人節」的來臨,今年唔單止facebook,就連Tomica都玩埋一份,等你避無可避。

DSCN4108自從Tomica推出Disney Tsum Tsum聖誕特別版後,再推出情人節特別版已經係意料中事,My Tiny都有推情人節雪糕車,不過意外的是Tomica竟然繼續將Mickey同Minnie車模換色就算。事實上Tsum Tsum系列咁多車款,就算要用Mickey同Minnie,都可以梅花間竹地推出增加新鮮感。今次Tomica不禁讓人有「掠水」之感。

Tomica Disney Tsum Tsum情人節版分Mickey及Minnie兩款,Mickey是基座版(無耳)而Minnie是頂部版(有耳),Minnie能夠「站」在Mickey身上。兩台車均髹上淡淡的啡色、紅色衣服及粉紅色,車尾又有心心圖案及0214的車牌號碼,驟眼看起來如朱古力一樣。

既然咁唔鍾意又點解要乖乖「科水」?你懂的。

祝大家情人節快樂。

Advertisements

科水要理由㗎咩?

又到聖誕又到聖誕,到今日過埋年先介紹聖誕特別版會唔會遲咗啲?遲到好過無到吖,尤其係呢套係Tomica tsumtsum聖誕特別版,點都應該寫幾句。

image

屈指一算,Tomica至今已推出24款Disney tsumtsum玩具車,幾乎每套Disney同Pixer卡通片都有份。咪睇佢圓轆轆咁,原來車頂有凹糟等其他tsumtsum疊喺上面,集埋幾部就可以砌座金字塔,廠方又特別推出細一截、車頂連一隻細tsumtsum的頂層車款做裝飾,一個角色有兩部車係等閒事。係marketing定係掠水?你話喇。

image

除咗普通版之外,Tomica點會放過搵錢嘅好機會,結果咪就係呢一套三隻嘅聖誕特別版,基座係著咗棵聖誕樹上身嘅Minnie同埋鮮黃色Pluto,擺頂的Micky戴咗頂聖誕帽外,車頂仲有隻迷你版Pluto,呢set車最特別係佢車身屬啞色設計,連光油都好似無上,觸感怪怪地,而附車附送的招紙可以摺成聖誕樹做背景,總算多啲嘢玩。

image

值唔值兩舊水?睇你係自用定送禮啦,我就覺得物有所值喇,一張permit值千金呀,睇怕有排俾Tomica㩒住搶。

image

image

image